24.04.2025

25 красавіка на Дубровеншчыне пройдзе Адзіны дзень бяспекі дарожнага руху

25 красавіка Дзяржаўтаінспекцыя правядзе Адзіны дзень бяспекі дарожнага руху пад дэвізам "На вела, мота і мапедзе заедзем у лета без трагедый!", арыентаваны на прафілактыку дарожна-транспартных здарэнняў з удзелам двухколавага транспарту.

З надыходам спрыяльнага надвор'я на вуліцах г. Дуброўна з'яўляецца вялізная колькасць матацыклістаў, вадзіцеляў мапедаў, скутараў, веласіпедыстаў. Іх з'яўленне на дарогах у сваю чаргу азнаменуе сабой пачатак новага сезона двухколавага транспарту.

Каб пазбегнуць няшчасных выпадкаў з удзелам гэтай катэгорыі асоб, сталічная Дзяржаўтаінспекцыя нагадвае аб самым важным - няўхільным захаванні Правілаў дарожнага руху ўсімі яго ўдзельнікамі.

Веласіпедыстам варта памятаць! Рух на веласіпедзе павінен ажыццяўляцца па веласіпеднай дарожцы, а пры яе адсутнасці - па абочыне, тратуары або пешаходнай дарожцы, не ствараючы перашкоды для бяспечнага руху пешаходаў. Пры адсутнасці названых элементаў дарогі або немагчымасці руху па іх дапускаецца рух веласіпедыстаў па праезнай частцы дарогі ў адзін рад не далей за 1 метр ад яе правага краю.

Пры гэтым:

• выезд далей за 1 метр ад правага краю праезнай часткі дарогі дапускаецца толькі для аб'езду перашкоды і ў дазволеных выпадках для павароту налева або развароту;
• калоны веласіпедыстаў пры руху па праезнай частцы дарогі павінны быць падзелены на групы не больш чым па 10 веласіпедыстаў. Адлегласць паміж групамі павінна складаць не менш за 100 метраў;
• пры наяўнасці на праезнай частцы дарогі лініі гарызантальнай дарожнай разметкі, якая абазначае яе край, гэтая лінія павінна размяшчацца злева ад веласіпедыста.

Асаблiвую пагрозу для ўсіх велааматараў нясе цёмны час сутак. Так, паводле ПДР, пры руху па дарозе ў цёмны час сутак і (або) пры яе недастатковай бачнасці на веласiпедзе павінны быць уключаны: спераду фара (ліхтар), якая выпраменьвае белае святло, ззаду ліхтар, які выпраменьвае чырвонае святло.

Веласіпедыст абавязаны перасякаць праезную частку дарогі па веласіпедным пераездзе або веласіпеднай дарожцы, а пры іх адсутнасці - па пешаходным пераходзе, на скрыжаванні па лініі тратуараў або абочын, не ствараючы перашкод для руху пешаходаў. Таксама, згодна з ПДР, пры скрыжаванні праезнай часткі веласіпедыст мае права не спешыцца! Але пры пад'ездзе да скрыжавання з праезнай часткай дарогі веласіпедыст павінен своечасова знізіць хуткасць руху і, пераканаўшыся, што выезд на праезную частку дарогі бяспечны, перасякаць яе з хуткасцю ідучага крокам пешахода.

Пры гэтым, асобам маладзейшым за 14 гадоў забараняецца без суправаджэння паўналетняй асобы кіраваць веласiпедам на дарозе. Пакуль не споўнілася 14 гадоў, катацца на веласіпедзе дазволена толькі ў спецыяльна адведзеных месцах (пешаходных і жылых зонах, тратуарах, веласіпедных і пешаходных дарожках) і перасякаць праезную частку неабходна папярэдне спешыўшыся.

Пры руху на нерэгулюемых пешаходных пераходах, веласіпедных і рэгулюемых пешаходных пераходах, веласіпедных пераездах пры адначасовым для вадзіцеляў і веласіпедыстаў дазваляючым сігнале рэгуліроўшчыка або святлафора веласіпедыст мае перавагу перад іншымі транспартнымі сродкамі.

Не менш важнай для бяспекі веласіпедыста з'яўляецца велаэкіпіроўка. У наш час у продажы маюцца ахоўныя шлемы, накладкі на локцевыя і каленныя суставы. Вядома ж, гэта не вырашыць усіх магчымых праблем на дарозе, але істотна зменшыць атрыманне магчымых траўм.

Што датычыцца перавозкі дзяцей на веласіпедзе, то гэта дазволена толькі ва ўзросце да 7 гадоў і толькі ў веласіпедным шлеме на дадатковым спецыяльна абсталяваным сядзенні, які фіксуе ногі дзіцяці.

Кіруючыя матацыклам павінны рухацца з пастаянна ўключаным блізкім святлом фар. Не лішнім для матацыкліста будзе спецыяльнае экіпіяванне, якое ў выпадку ДТЗ дапаможа пазбегнуць траўм пры падзенні. Абавязковыя своечасовая рэгістрацыя транспартных сродкаў і праходжанне дзяржаўнага тэхнічнага агляду. Таксама недапушчальна садзіцца за руль мотатранспарту асобам, якія не маюць пасведчання кіроўцы адпаведнай вадзіцельскай катэгорыі або ў стане ап'янення.

Асноўнымі парушэннямі правілаў дарожнага руху сярод матацыклістаў з'яўляюцца: парушэнне ўстаноўленых хуткасных рэжымаў, праезд на забараняючы сігнал святлафора, парушэнне правілаў манеўравання.

Што ж тычыцца пасажыраў, якія перавозяцца на матацыкле ці мапедзе, яны павінны быць у зашпіленых моташлемах, а ехаць у нецвярозым стане ім і зусім забаронена (акрамя бакавога прычэпа да матацыкла)!

У выпадку парушэння гэтых патрабаванняў да адказнасці могуць быць прыцягнуты як сам вадзіцель, так і пасажыр. За кіраванне матацыклам, мапедам або перавозка на іх пасажыраў без моташлемаў або з незашпіленымі моташлемамі прадугледжаны штраф да 1 базавай велічыні.

Рух на мапедзе павінен ажыццяўляцца па абочыне або праезнай частцы дарогі не далей за 1 метр ад правага краю праезнай часткі. Пры гэтым выезд далей за 1 метр ад яе правага краю дапускаецца толькі для аб'езду перашкоды і ў дазволеных выпадках для павароту налева або развароту.

За кіраванне матацыклам, мапедам на адным коле, а роўна рух, пры якім асоба, якая кіруе такім транспартным сродкам, не трымаецца за руль або не трымае ногі на педалях (падножцы) прадугледжаны штраф ад 5 да 10 базавых велічынь.

Забараняецца кіраваць на дарозе веласіпедам асобам маладзейшым за 14 гадоў (акрамя пешаходных і жылых зон, тратуараў, веласіпедных і пешаходных дарожак).

Паважаныя ўдзельнікі дарожнага руху, не забывайце пра культуру паводзін на дарозе. Дарога - не месца для спаборніцтваў і самасцвярджэння. Не забывайце, што бяспечны рух патрабуе ўзаемнай ветлівасці, а не спаборніцтва.

dubrovno.by