На базе 103-й Віцебскай асобнай гвардзейскай паветрана дэсантнай брыгады праходзіць абласны этап Рэспубліканскай спартыўна-патрыятычнай гульні "Зарнічка" і ваенна-патрыятычнай гульні "Зарніца".

Перад стартам удзельнікаў віталі намеснік камандзіра брыгады па ідэалагічнай рабоце гвардыі палкоўнік Вадзім Бабілевіч, дырэктар Віцебскага абласнога палаца дзяцей і моладзі Дзмітрый Андрэеў, старшыня абласной арганізацыі Беларускага саюза афіцэраў Сяргей Дзянісаў. Яны пажадалі рабятам паспяховага выступлення.

За права прадстаўляць Віцебшчыну ў Брэсце на рэспубліканскім этапе ў "Зарнічке" (школьнікі 9-10 гадоў) змагаліся атрады - "Зялёныя берэты" Бігасаўскай сярэдняй школы ім. Э. Лаўрыновіча Верхнядзвінскага раёна, «Абаронцы нябёсаў» СШ № 16 Полацка, «Юнга» докшыцкай СШ № 2 ім. У. Крышталевіч. Іх чакалі агляд ладу акцябрацкіх войскаў "Будзь гатовы!", трэніровачныя заняткі па праходжанні паласы перашкод, школьнікі прынялі ўдзел у адкрытым уроку "Беларусь у гады Вялікай Айчыннай вайны".

У гульні «Зарніца» (13-14 гадоў) таксама ўдзельнічалі тры атрады: «Докшыцкі дэсант» (СШ № 1 Докшыц), «Штурм» (Сярэдняя школа імя М. Кастрычніцкай, Лёзна), «Паходня» (СШ № 12 Наваполацка ). Старэйшыя хлопцы ўдзельнічалі ў аглядзе песні і строю «Мы – праўнукі Перамогі», майстар-класе «Няпоўная разборка і зборка аўтамата Калашнікава, праходзілі паласу перашкод і спаборнічалі ў стральбе з пнеўматычнай вінтоўкі.

Фота аўтара.