Аднайменны праект, у адпаведнасці з якім у лячэбных установах уладкоўваюцца палаты павышанай камфортнасці для ветэранаў войнаў і працы, рэалізуецца ў рамках праграмы «Клопат» Беларускага Фонду міру. Ажыццяўляецца ён ужо два гады, і за гэты час у Віцебскай вобласці адкрыты больш за 30 палат, якія ва ўжытку называюць палатамі санаторнага тыпу.

- Па дамоўленасці з галоўным урачом устаноў аховы здароўя мы абсталюем такія палаты невялікімі сучаснымі тэлевізарамі, халадзільнікамі без маразільнай камеры, функцыянальнымі ложкамі з тумбачкамі, – распавяла старшыня абласнога аддзялення Фонду міру Таццяна Туманава. - Усё гэта робіцца для зручнасці пацыентаў і медработнікаў, якія дапамагаюць ім ачуняць. З іншага боку, гэта своеасаблівая трансляцыя дабрыні, таму што апынуцца ў сценах дадзенай лячэбнай установы цяжка і маральна, і фізічна, і мы з гатоўнасцю стараемся іх падтрымаць.

У абласным анкадыспансеры многае робіцца для ўмацавання матэрыяльна-тэхнічнай базы і ўкаранення новых тэхналогій, каб павялічыць выжывальнасць пацыентаў і працягласць безрэцыдыўнага перыяду ў пацыентаў. Але патрэба ў пастаянным удасканаленні і абнаўленні абсталявання велізарная, паколькі яно выкарыстоўваецца інтэнсіўна – толькі ў мінулым годзе ў паліклінічнае аддзяленне дыспансера звярнуліся каля 150 тысяч чалавек, каля 14 тысяч прайшлі лячэнне ў стацыянары. Вось чаму тут не адмаўляюцца ад любой прапанаванай дапамогі і ўдзячныя ўсім, хто знаходзіць магчымасць дапамагчы.

- Мы шчыра ўдзячныя Фонду міру, які адгукнуўся на нашу прапанову і ўладкаваў, сапраўды, камфортныя палаты для ветэранаў войнаў і працы, – сказала галоўны ўрач абласнога анкадыспансера Анжаліка Томчына. - Тут ёсць усё для зручнасці пацыентаў, а функцыянальныя ложкі ідэальныя для чэраўнога аддзялення, гэта значыць пасля аперацый на брушнай паражніны.

Адна з пацыентак, Аксана Васілёнак з Барані, цалкам пагадзілася з гэтым сцвярджэннем і нават прызналася, што ў такіх камфортных умовах сам дыягназ адступае на другі план.

- Адзін з кірункаў дзейнасці Фонду міру – гэта прапаганда і ўвасабленне ў жыццё ідэй гуманізму і міласэрнасці, і адкрыццё дадзеных палат у анкадыспансеры – яркае пацвярджэнне таго, наколькі планамерна, метадычна і сістэмна вядзецца гэтая праца, - адзначыла член Савета Рэспублікі Нацыянальнага сходу Рэспублікі Беларусь Намеснік старшыні абласнога Савета дэпутатаў Ірына Ляўковіч. - Вельмі радуе, што намаганні Фонду міру, як адной з самых значных грамадскіх арганізацый у краіне, накіраваны на аказанне максімальнай дапамогі менавіта тым катэгорыям насельніцтва рэспублікі, якія ў ёй асабліва маюць патрэбу.

У цырымоніі адкрыцця палат прынялі таксама ўдзел намеснік старшыні гарвыканкама Віктар Глушын і старшыня гарадскога Савета дэпутатаў Вольга Іванова.