На тэрыторыі Віцебскай вобласці знойдзены населеныя пункты, якія раней не лічыліся ў спісе знішчаных фашыстамі ў гады Вялікай Айчыннай вайны. "У паўночным рэгіёне падчас следства знойдзены 60 новых знішчаных вёсак. Спіс сясцёр Хатыні дапоўнены, і ў ім 23 вёскі - гэта населеныя пункты ў Віцебскай вобласці.Нацысты за час акупацыі фактычна знішчылі Асвейскі раён, дзе ў тым ліку жыўцом спальвалі людзей. Сумную гісторыю Хатыні паўтарыла вёска Шарагі Глыбоцкага раёна. Нацысты за адзін дзень жыўцом спалілі каля 200 чалавек. Прытым гэта звалася фільтрацыйнай чысткай.Немцы ўганялі людзей у рабства ў Германію і за адзін дзень адабралі лішніх старых, жанчын, дзяцей, сагналі іх у два хлявы і дом і падпалілі. Такіх сумных гісторый па віцебскай зямлі вельмі шмат, і мы ўсё гэта фіксуем", - распавёў пракурор.

Ён дадаў,што пракуроры ўвесь час праводзяць працу па ўсталяванні раней невядомых месцаў пахавання мірнага насельніцтва. "У Полацкім раёне зараз праводзяцца пошукавыя работы, дзе папярэдне выяўлены касцяныя астанкі людзей прыкладна перыяду Вялікай Айчыннай вайны. Мы выедзем на месца пахавання, зафіксуем усе сляды,і затым гэтаму будзе дадзена ацэнка ", - адзначыў Ігар Украінец.

Пракурор Віцебскай вобласці нагадаў, што расследаванне крымінальнай справы аб генацыдзе ў адносінах да беларускага народа вядзецца ўжо тры гады. Да пачатку расследавання лічылася, што ў Беларусі ў гады Вялікай Айчыннай вайны гітлераўцы правялі каля 140 карных аперацый.Цяпер пацверджана, у тым ліку архіўнымі дакументамі, што іх колькасць складала не менш як 180. Таксама за гэты час была створана інтэрактыўная карта спаленых вёсак, якіх налічваецца больш як 12 тыс., уключаючы 3 тыс. населеных пунктаў, якія выявілі пракуроры.

“Гэта важна для нас, найперш для захавання гістарычнай памяці.Вынікі расследавання крымінальнай справы шырока выкарыстоўваюцца ў прапагандысцкіх мэтах. У музеях, бібліятэках у кожным раёне створаны экспазіцыі, у тым ліку такая ёсць у пракуратуры Віцебска, якія прысвечаны гэтай тэме. Расследаванне крымінальнай справы шматгранна - гэта і заканатворчая, ідэалагічная дзейнасць. І безумоўна,расследаванне крымінальнай справы мае на мэце асудзіць генацыд нашага народа ў гады Вялікай Айчыннай вайны. Гэта неабходна, каб на нашай зямлі такога не паўтарылася, каб мы не дазволілі адрадзіцца фашызму", - падкрэсліў Ігар Украінец.