07.05.2024

Каманда Віцебскага кадэцкага вучылішча выйграла рэспубліканскую спартакіяду па ваенна-прыкладных відах спорту

 

Пра гэта паведамляе сайт Віцебскага кадэцкага вучылішча.

Каманда Віцебскага кадэцкага вучылішча ў складзе віцэ-сяржанта Феадора Кулакова, кадэт Дзмітрыя Гайсёнка, Аляксандра Сочнева, Івана Аляксандрава і Арцёма Хоны заваявала першае месца ў XI Рэспубліканскай спартакіядзе па ваенна-прыкладных відах спорту сярод устаноў сістэмы кадэцкай адукацыі.

Пры гэтым Феадор Кулакоў заняў першае месца па падцягванні на перакладзіне, другое - па кіданні гранаты і першае - у асабістым першынстве па мнагаборстве. Трэцяе месца заваявалі віцябляне ў ваенізаванай эстафеце, а ў камандным першынстве па мнагаборстве сталі лепшымі.

Віншуем!