10.08.2021

Экстрэмісцкім прызнаны яшчэ адзін інтэрнэт-рэсурс

 

Інтэрнэт-рэсурс Тribunа.cоm і яго вытворныя ў сацыяльных сетках і мэсэнджарах прызнаны экстрэмісцкімі. Інфармацыю аб гэтым размясціла прэс-сакратар МУС Вольга Чамаданава ў афіцыйным Telegram-канале, паведамляе БЕЛТА.

"Такое рашэнне сёння вынес суд Чыгуначнага раёна Віцебска па матэрыялах абласнога ўпраўлення ГУБАЗіК. Акрамя асноўнага інтэрнэт-рэсурсу, у спіс забароненых трапілі Telegram-канал "Тribunа.cоm Беларусь", аднайменны чат і старонкі ў сацыяльных сетках Instagram, Facebook. Twitter, "УКантакце", а таксама мабільныя дадаткі для смартфонаў. Адміністратары супольнасцей размяшчалі матэрыялы, што заклікаюць да экстрэмісцкай дзейнасці", - расказалі ў МУС.

Цяпер за публікацыю (рэпост) інфармацыі з названых інтэрнэт-рэсурсаў прадугледжана адміністрацыйная адказнасць і прыцягненне да адказнасці аж да арышту.

БелТА