Дубровенскі раённы выканаўчы камітэт

Адрас райвыканкама:
211587, г. Дуброўна, вул. Камсамольская, 18

Тэлефон прыёмнай:
8 (02137) 4-20-45

Факс:
8 (02137) 4-34-49

E-mail: 
dubrovno_rik@vitebsk.by

Галоўная / Сацыяльная сфера / Адукацыя / Дзяржаўная ўстанова адукацыі "Аздараўленчы лагер "Лугаўцы" Дубровенскага раёна"

Дзяржаўная ўстанова адукацыі "Аздараўленчы лагер "Лугаўцы" Дубровенскага раёна"

 Лета 2019 года


Аддзел па адукацыі Дубровенскага райвыканкама паведамляе, што летам 2019 года ў ДУА «Аздараўленчы лагер "Лугаўцы" Дубровенскага раёна» плануецца 4 (чатыры) аздараўленчыя змены:

1 змена: 15.06-02.07.2019 (18 дзён) (для дзяцей ад 6 да 15 гадоў)
2 змена: 06.07-23.07.2019 (18 дзён) (для дзяцей ад 6 да 15 гадоў)
3 змена: 26.07-12.08.2019 (18 дзён) (для дзяцей ад 6 да 15 гадоў)
4 змена: 15.08-23.08.2019 (9 дзён) профільная змена (для дзяцей ад 6 да 18 гадоў)

Устаноўлены на летні перыяд 2019 г. лімітавы кошт аднаго ложка-дня ў ДУА «Аздараўленчы лагер "Лугаўцы" Дубровенскага раёна»:
• для дзяцей ва ўзросце ад 6 да 10 гадоў - 20,56 рублёў;
• для дзяцей ва ўзросце ад 11 да 13 гадоў - 21,17 рублёў;
• для дзяцей ва ўзросце ад 14 да 15 гадоў - 21,57 рублёў.

Поўны кошт пуцёўкі на 1-3 змены для дзяцей работнікаў усіх арганізацый і прадпрыемстваў Віцебскай вобласці ў ДУА «Аздараўленчы лагер "Лугаўцы" Дубровенскага раёна» пры працягласці змены 18 дзён устаноўлена ў наступным памеры:
• для дзяцей ва ўзросце ад 6 да 10 гадоў - 370,00 рублёў, у тым ліку бацькоўская даплата 174,00 рублі;
• для дзяцей ва ўзросце ад 11 да 13 гадоў - 380,98 рублёў, у тым ліку бацькоўская даплата 184,98 рублёў;
• для дзяцей ва ўзросце ад 14 да 15 гадоў - 388,18 рублёў, у тым ліку бацькоўская даплата 192,18 рублёў.

Поўны кошт пуцёўкі на 4 змену ўстаноўлена ў наступным памеры:
• для дзяцей ва ўзросце ад 6 да 10 гадоў - 185,00 рублёў, у тым ліку бацькоўская даплата 101,00 рубель;
• для дзяцей ва ўзросце ад 11 да 13 гадоў - 190,49 рублёў, у тым ліку бацькоўская даплата 106,49 рублёў;
• для дзяцей ва ўзросце ад 14 да 18 гадоў - 194,09 рублёў, у тым ліку бацькоўская даплата 110,09 рублёў.

Просім Вас высылаць заяўкі, аформленыя на фірменным бланку арганізацыі за подпісам кіраўніка, з указаннем прозвiшча выканаўцы ў аддзел па адукацыі Дубровенскага райвыканкама па адрасе: 211587, г. Дуброўна, вул. Камсамольская, 18.

Кантактныя тэлефоны: 8 (02137) 51462 (Алеся Мікалаеўна), тэл./факс: 8 (02137) 41973; электронная пошта: dubrovno.roo@mail.ru

Дзяржаўная ўстанова адукацыі «Аздараўленчы лагер "Лугаўцы" Дубровенскага раёна» размешчаны ў маляўнічым кутку Дубровенскага раёна, у лясным масіве паблізу ракі Дняпро. Разлічаны на 150 месцаў, плошча тэрыторыі 6 га. Адлегласць да г. Дуброўна - 5 км, г. Орша - 20 км, г. Віцебск - 90 км. Загарадны лагер знаходзіцца на балансе аддзела па адукацыі Дубровенскага райвыканкама.

У лагеры створаны ўсе ўмовы для паўнавартаснага адпачынку дзяцей: добраўпарадкаваныя карпусы, разнастайнае каларыйнае вітамінізаванае 5-ціразовое харчаванне, цікавы вольны час і многае іншае. Працуюць лепшыя педагогі і студэнты Дубровенскага і Аршанскага раёнаў.

На тэрыторыі лагера размешчаны:
• 5 карпусоў для пражывання дзяцей;
• адміністрацыйны корпус (пакой дзіцячага актыву, кіназала, трэнажорная зала, бібліятэка, радыёвузел, адкрытая сцэнічная пляцоўка, пакоі для пражывання персаналу);
• сталовая на 200 месцаў;
• медыцынскі пункт;
• стадыён;
• баскетбольная і валейбольная пляцоўкі;
• медыцынскі корпус (медыцынскі кабінет, ізалятар, працэдурная, пакой гігіены);
• лазня (душавыя, сушылка);
• гульнявая пляцоўка;
• зоны адпачынку (альтанкі, сталы для настольнага тэніса, лаўкі, пясочніца, сталы для настольных гульняў, малявання і чытання);
• артскважына і воданапорная вежа.

Лагер забяспечаны водаправодам, гарачай праточнай вадой, электраасвятленнем, спартыўным, гульнявым, тэхналагічным і іншым абсталяваннем, вырабамі медыцынскага прызначэння, мэбляй, інвентаром.

Функцыянуе вартаўнічая ахова. Медыцынскае абслугоўванне ажыццяўляецца кваліфікаванымі медыцынскімі работнікамі. Забяспечана кругласутачнае дзяжурства медыцынскага персаналу і прадстаўнікоў органаў унутраных спраў.

Узрост адпачываючых - ад 6 да 18 гадоў. Дзеці размяркоўваюцца ў атрады колькасцю не больш за 25 чалавек.

Летнія творча-гульнявыя праграмы накіраваны на актыўны і змястоўны адпачынак, рэалізацыю уменняў, навыкаў і здольнасцяў дзяцей, максімальнае задавальненне іх індывідуальных інтарэсаў у сацыяльна значных сферах. У лагеры працуюць розныя гурткі, секцыі, кіналекторый, арганізоўваюцца паходы, экскурсіі.

У 2019 годзе дзяцей чакаюць разнастайныя творчыя праграмы і праекты, прагулачныя, забаўляльныя, фізкультурна-аздараўленчыя і іншыя мерапрыемствы,  калектыўна-творчыя справы.

Лета, сонца і станоўчыя эмоцыі - ўсё гэта забяспечыць добры адпачынак. Чыстае паветра, яднанне з прыродай дапамогуць зрабіць яго карысным для здароўя.

ЗАПРАШАЕМ УСІХ ЖАДАЮЧЫХ!

Наш адрас:
211587 Віцебская вобласць, Дубровенскі раён, урочышча «Лугаўцы»

Тэлефон: 8 (02137) 4-08-30

Кантактныя тэлефоны па пытаннях набыцця пуцёвак:
Тэлефон: 8 (02137) 5 14 62
Тэл./факс: 8 (02137) 4 19 73

Узор заяўкі